ChYuBi

erschti cuprundi

Bärner Stadtfescht

YB – Ä LIDESCHAFT FÜR AUI

Aus YB-Familie dänke mir o i däm Jahr a Mönsche, wo mit schwirige Läbensumständ z’kämpfe hei. Wie scho i de letschte Jahr, möchte mir o die Saison aus Ostkurve Bärn & gäubschwarzsüchtig e Spändeaktion zugunste vom Sleeper, dr Gassearbeit Bärn u dr Notschlafsteu Pluto für Jugendlichi dürefüehre.

D’Gassechuchi im Lokal Dead End bereitet syt viune Jahr täglech warmi Mauzyte für Mönsche in Not zue u bietet Obdachlose im Slee-per d’Müglechkeit, e warmi Nacht z’verbringe. Das Agebot wird houpt-sächlech dür Spände u Inahme usem Barbetrieb finanziert. Di Inahme lange aber by Wytem num wi fruecher. Nabem Agebot vor Gasse-chuchi isch d’Gassearbeit täglech uf de Strasse vo Barn ungerwags, u ungerstützt ihres Klientel so im Autag. D’Jugendnotschlafsteu Pluto bietet e sichere Ort für Jugendlechi wie o jungi Erwachseni bis 23i über d’Nacht.

Bim Heimspiu am 14. Dezämber gäge FC Luzärn wei mir drum mit dr ganze YB-Familie Wiehnachte flire u das fürne guet Zwäck.
Gmeinsam mit em Verein, wärde mir es entsprächends vor-wiehnachtlechs Rahmeprogramm vorbereite. Dr Quartierplatz wird feschtlech gschmückt u näbscht Aktivitäte für üsi chlynschte YB-Fans gyts äbefaus es breits kulinarischs Agebot.

Benötigti Sachspände:

  • Schlafseck
  • Iso-matte
  • Rägeschirme
  • Shampoo u Dusch-Gel
  • Haarpflegprodukt
  • Zahnhygiene (Zahnbürste ect.)
  • Ruckseck (Grossi u Chlini)
  • Häntsche
  • Gurt
  • Boxershorts
  • Socke
  • Trainerhose
  • Pullis
  • T-Shirts
  • Winterjacke
  • Powerbanks

gäubschwarzsüchtig & OSTKURVE BERN

HOPP YB

HIE GHÖRE MIR HÄRE – YB Audiospaziergang

Wo gnau isch üse Verein eigentlech gründet worde? Wo het YB die erste Title gfiret? Und isch YB eigentlech scho geng so erfougrich gsi, wie aktuell?

Im Rahme vom 125-jährige Vereinsjubiläum hei d Ostkurve Bern und gäubschwarzsüchtig zäme mitem Verein StattLand e historische Stadtrundgang übere Wärdegang vo üsem Verein entwicklet. Ab hüt chöit dir nech gratis ufd Spure vor gäubschwarze Gschicht mache und derbi wüssenswärti Fakte, skurrili Anekdote und aues über bsungrigi Momänte erfahre. Über d App heit dir nid nume e Audiobegleitig, si liferet ou Biuder, wo der Rundgang zuesätzlech berichere. Geignet isch der Spaziergang für quasi aui Autersgruppe und fuessbauinteressierte Mönsche.

Machet nech auso uf und entdecket YB nomau nöi!

YB FOR EVER!

Ostkurve Bern
gäubschwarzsüchtig

Google Play

Apple App Store